Psikologoen eta fisioterapeuten taldea

Lantaldea osatzen duten kide guztiek oinarrizko prestakuntza dute zenbait eremutan: Psikologia, Psikiatria, Pedagogia, Gizarte Heziketa, Fisioterapia, Enpresa Zientziak, Informazio Zientziak, etab.

Gainera, profesionaletako bakoitza hainbat arlotan espezializatuta dago, eta, hala, kooperatibak herritar-multzo zabalarekin lan egin dezake (haurtzaroa, nerabezaroa, gazteak, helduak), teknika anitzekin eta hainbat ikuspegitatik: banaka, taldeka, familiaz batera edota bikotekidearekin.

Lantalde osoak etengabeko prestakuntza jasotzen du, eta taldekideek ikuspegi bera dute lan egiteko orduan: Gizarte Psikologia.

Kooperatibak, gaur egun, 30 profesional baino gehiago ditu, eta horietatik 24 bazkide langileak dira. Gainera, hainbat proiektutan lan egiten duten kolaboratzaileen zirkulu zabala du.